It e'r falls to we Scots to kick things off...
How better to begin than with a song...
A GUID NEW YEAR
Peter Livingstone
A guid new year to ane an' a'
An' mony may ye see,
An' during a' the years to come,
O happy may ye be.
An' may ye ne'er hae cause to mourn,
To sigh or shed a tear;
To ane an'a baith great an' sma'
A hearty guid New year.
Chorus
A guid New Year to ane an' a'
An' mony may ye see,
An' during a' the years to come,
O happy may ye be.
O time flies past, he winna wait,
My friend for you or me,
He works his wonders day by day,
And onward still doth flee.
O wha can tell when ilka ane,
I see sae happy here,
Will meet again and merry be
Anither guid New year.
Chorus
We twa ha'e baith been happy lang.
We ran about the braes.
In yon wee cot beneath the tree,
We spent our early days.
We ran about the burnie's side,
The spot will aye be dear,
An'those that used to meet us there,
We'll think on mony a year.
Chorus
Noo let us hope our years may be
As guid as they ha'e been,
And trust we ne'er again may see,
The sorrows we ha'e seen.
And let us wish that ane an'a'
Our friends baith far an' near,
May aye enjoy in times to come -
A hearty guid New year!
Chorus
From...
http://www.scotsindependent.org/features/singasang/guid_new_year.htm